AVALIACIÓN

A avaliación é un proceso mediante o cal obtemos información de maneira continua e

sistemática para coñecer a idoneidade do proceso educativo dunha maneira global, así

como as decisións tomadas por parte dos docentes. Trátase dun elemento fundamental

da práctica educativa. O principal obxectivo da avaliación é o de recoller información continua co fin de mellorar, axustar e modificar (se é necesario) os procesos de ensino e aprendizaxe, e así contribuír a mellorar a calidade da educación.

A avaliación desta unidade didáctica será global (referirase ó conxunto de capacidades expresadas nos obxectivos xerais), continua (as docentes recollerán de modo continuo información sobre o proceso de ensinanza e aprendizaxe a través da observación directa e sistemática) e formativa (ó proporcionar unha información constante que permitirá mellorar tanto os procesos como os resultados da intervención educativa). Ademais contaremos cunha avaliación inicial na que se levará a cabo unha análise sobre cal é o coñecemento dos nenos e nenas neste ámbito e unha avaliación final para valorar as aprendizaxes, coñecementos e competencias que desenvolveron ó remate desta unidade didáctica.

Finalmente, destacar que realizaremos tamén unha autoavaliación da labor docente

seguindo os criterios como os que se mostran a continuación:

- Mostrouse unha actitude de escoita, aberta ós gustos e opinións do alumnado.

- Creouse un clima de respecto e afecto, adaptado ás necesidades individuais do

alumnado, que invita á observación e á aprendizaxe, dando cabida ás propostas

creativas do alumnado.

- Actuouse como guía e acompañante no proceso de desenvolvemento e aprendizaxe,

empregando materiais axeitados e motivadores para a execución das actividades.

- Os espazos e tempos foron axeitados e adaptados os ritmos evolutivos de cada un

dos nenos e nenas.   

TEMPORALIZACIÓN

La temporada ideal para hacerla es la primavera, después de las lluvias invernales,

cuando aparecen los primeros rayos de sol y las primaveras aves migratorias comienzan

a llegar y anidar para poder marcharse cuando las hojas de los árboles comiencen a caer de sus ramas. Se puede apreciar el silencio de la Naturaleza, los pilares de aves y el rumor del mar, al tiempo que se respira un aire puro y tranquilo.

ABRIL, 2018
LUNS	MARTES	MÉRCORES	XOVES	VENRES
2	3 SESIÓN 1: COÑECENDO OS CONS	4	5 SESIÓN 2: QUÉ PODEMOS SABER DOS CONS?	6
9	10 SESIÓN 3: CONVERTÉMONOS EN XEÓLOGOS	11	12 SESIÓN 4: VISITÁMOLOS CONS	13
16	17	18	19	20
23	24	25	26	27
30

SESIÓN 4: VISITÁMOLOS CONS

Nesta última sesión, faremos unha saída con Sebastián ós Cons e poremos en práctica todo o aprendido durante a unidade. Ademais o alumnado poderá coñecelos, tocalos e establecer contacto directo coa natureza e coas paisaxes do lugar. Para isto elaboraremos un mapa de ruta para que todos os cativos e cativas saiban por onde estamos pasando en cada momento, cal é o seguinte Con, que se sabe sobre él…

SESIÓN 3: CONVERTÉMONOS EN XEÓLOGOS

Esta sesión dividirase en dúas partes. En primeiro lugar, Sebastián abrirá un debate na aula para coñecer a idea que ten o alumnado sobre os xeólogos: Quenes son?, A que se adican?, Cal é a súa función?, etc. A continuación, coa colaboración das familias, converterémonos en verdadeiros xeólogos, dispostos a indagar e descubrir toda a información que se pode extraer dos Cons. En segundo lugar, os cativos e cativas recollerán pedras coa axuda das súas familias e traeranas á escola para observar co microscopio e poder analizalas.
 
                                         

SESIÓN 2: QUÉ PODEMOS SABER DOS CONS?

Nesta sesión levaremos a cabo un proxecto no que primeiramente os nenos

e nenas investigarán como se formaron os cons e de que están feitos, mediante

libros e vídeos que poidamos atopar en internet. A continuación, investigaremos

de onde provén o seu nome e localización, para isto imos levalo a cabo mediante

a recollida de información que os nenos e nenas poidan preguntar ós seus avós,

pais, e demais familia. Finalmente crearemos un libro con toda á información recollida, así os nenos e nenas poderán consultala sempre que queiran e refrescar información se fose preciso.

SESIÓN 1: COÑECENDO OS CONS

Esta sesión está pensada para levar a cabo en en dúas partes. A primeira
constará dunha asemblea, na que introduciremos o tema que abrangue
a unidade: Os Cons. O alumnado poderá aportar todo o que saiba deste
patrimonio e abriremos un debate no que a mestra anotará que é o que
non se sabe e se quere saber, para comprobar se ó final da unidade se
conseguiu dito propósito. Como previamente a esta sesión teremos unha
reunión coas familias nas que trataremos a temática, o alumnado pode
informarse previamente na súa casa e cos seus familiares de aspectos
a tratar sobre os Cons.

A segunda parte será adicada á lectura do conto dos Bolechas sobre os Cons:

Os Bolechas van de viaxe: os Cons da Illa de Arousa” e de aquí xurdirán

dúbidas que resolveremos na clase, así como preguntas que fará a mestra/e

para coñecer se o alumnado entendeu e estivo atento durante a lectura do conto.

As actividades que podemos facer co libro “ Os Bolechas van de viaxe: os

Cons da Illa de Arousa” na aula son as seguintes:

1.    Contar o conto:

Na asamblea os nenos e nenas estarán sentados en circulo e a/o docente proponlle contar o conto mostrándolle as imaxes.

2.    Preguntas sobre o conto:

Despois de ter lido o conto, a docente fará unhas preguntas para ver se os nenos

e nenas entenderon ben o conto. As preguntas a levar a cabo son:

-    En que municipio se encontra o conto?

-    Con quen se atoparon ó chegar?  

-    Que visitaron?

-    Que sucedeu durante a visita?

-    Que personaxe se enfadou?

-    Que ocorreu no final do conto?

3.    Que escriban os nenos e nenas o conto:

Cada semana un neno ou unha nena levará para a súa casa unha mochila, que

contén o libro e unha caderno, polo que o alumnado deberá escribir nunha folla do

caderno un anaco de historia acompañada dun debuxo.

4.    Modificar:

Contar a historia, na que aparece algún personaxe novo como por exemplo cando

fan a ruta dos cons aparece un león. Cambiando o final, no que un dos Bolechas

se perdee finalmente encóntrano.

5.   Ordenar o conto por secuencias:

A actividade consiste en que a docente presentaralle unhas láminas sobre o conto

e os nenos e nenas terán que ordenalas en función de principio a fin como sucedeu

a historia.   

6. Para finalizar esta sesión, serás capaz de xuntar as pezas deste
puzzle que forman un con?

Os cativos e cativas terán que realizar un puzzle de dous cons representativos

do conto. Aquí tendes os enlaces para que poidades probar, a ver quen é o

máis rápido. Atrévédesvos?

https://www.jigsawplanet.com/?rc=play&pid=34f15ef9dfa9

Que Con é?

https://www.jigsawplanet.com/?rc=play&pid=3cb27f5492e2

Que Con é?

ACTIVIDADES

Antes de empezar coas sesións é importante, sobre todo nestas idades,

contextualizar cal é o propósito, así como de onde naceu a idea de
traballar esta unidade. Para isto contamos coa historia de “Sebastián”,
un cangrexo que nos contou que levou un golpe por mor duns rapaces
e rapaces que andaban no mar e non sabe onde está. Pídenos axuda
para atopar o seu hábitat que é na Illa de Arousa xusto ó lado dos Cons,
coñecédelos?

CONTEXTUALIZACIÓN HISTÓRICA

A natureza é moi sabia, polo que as pedras se foron labrando coa axuda dos

ventos e das mareas. Na illa fixo unha gran obra de arte, posto que cos

detalles e cos acabados que deu, conseguiu formar uns monumentos que
locen a súa beleza a todo o que se acerca por alí.

A “Ruta dos Cons” é longa, uns 7 km aproximadamente, pero está perfectamente

señalizada e transcorre por sendeiros de terra, asfalto e area. Esta ruta

comprende un percorrido de 5 horas e media aproximadamente, composto por

natureza, grandes vistas panorámicas, alternando ademais, con zonas salvaxes,

como o Parque Natural de Carreirón, miradores, praias, entre outros. Como xa

dixen anteriormente, é longa polo que se divide en zona norte e zona sur.

ZONA NORTE

Comeza o noso percorrido visitando a Punta Cabalo, onde poderemos observar

os primeiros Cons salientables: os Cons do Faro, os Cons da Escorregadoira, o

Con do Navío e o Con de Tres Pés. Se bordeamos a zona norte poderemos

contemplar o lugar onde están situados, o cal ofrece ós visitantes unha boa vista

das praias e do monte da Illa. Ademais desde o Con de Barbafeita e desde o Con

do Niño de Corvo, pódense ver os illotes de Xidoiro Areoso e Xidoiro Pedregoso,

así como a Ría de Arousa.

Continuando, chegamos ó Agro de Alonso, onde descubrimos o con co seu nome.

Moi preto del, temos o Con da Abella e o Con Retellado. Despois subimos ó Con

do Forno, onde podemos observar e apreciar unhas vistas panorámicas de case

toda a illa. Na mesma zona podemos contemplar o Con da Grañeira.

ZONA SUR     

A Ruta Sur empeza no lugar do Con Abilleira, pasando polo Monte do Molino de Viento,
onde se poden observar desde o alto os illotes de Xidoiros Areoso e Xidoiros Pedregoso
os Cons do Castro de Quilma, os Cons do Parque Natural do Carreirón e o Con do
Cocodrilo en As Salinas. Todos están situados preto das marabillosas praias de area fina
deste fermoso lugar. Ademais de ofrecer un contacto coa natureza en estado puro, esta
ruta Sur ofrece unhas inmellorables vistas ó concello de O Grove, Cambados e Vilanova.   

CONTEXTUALIZACIÓN XEOGRÁFICA

ONDE SE ATOPA?

A Illa de Arousa está emprazada en pleno corazón da Ría de Arousa, á que dá nome. Ten
unha extensión de sete quilómetros cadrados e a súa forma recorda a un sete. Está unida
á Península por unha ponte de dous quilómetros de lonxitude, inaugurada en 1985. É a illa
máis grande e máis poboada de Galicia, con aproximadamente 5000 habitantes. Os
recursos mariños son a súa principal fonte de ingresos, destacando o seu sector
mexilloeiro, o sector marisqueiro (tanto a pé como a flote) e a súa flota artesanal,
adicada a outras artes menores de pesca.

No seguinte enlace pódese todos os cons da ruta con un pequena descripción de cada un deles: 

https://drive.google.com/open?id=1nXqUvzko_XFRqT9l20M5u5xB0V_zrQoO&usp=sharing

QUE PODEMOS ATOPAR ALI?

Na Illa de Arousa podemos encontrar diversos elementos culturais e patrimoniais, dos cales destacamos os seguintes:

PARQUE NATURAL DO CARREIRON

FARO PUNTA CABALO

MUIÑO DE VENTO

MUIÑO DE MAREAS

OBXECTIVOS

OBXECTIVOS XERAIS:

-Observar e explorar de forma activa o seu contorno,xerando interpretacións sobre

algunhas situacións e feitos significativos, e mais mostrando interese polo seu

coñecemento. 

-Observar os cambios e modificacións a que están sometidos os elementos do contorno

e relacionalos cos factores que os producen.

-Establecer relacións de confianza, afecto, colaboración, comprensión e pertenza

baseadas no respecto ás persoas, ás normas e valores da sociedade a que pertencen.

-Dar mostras de interesarse polo medio natural e os seus cambios.  

-Utilizar as diversas linguaxes como instrumentos de comunicación, de expresión de ideas e sentimentos, de representación, de aprendizaxe e de gozo.

OBXECTIVOS ESPECÍFICOS:

-Coñecer os distintos cons.

-Interactuar cós demais compañeiros/as e respectar as quendas.

-Mostrar interese polo que nos rodea.
-Transmitir ós cativos e cativas valores de respecto e coidado polo patrimonio.
-Coñecer un pouco máis a nosa localidade (referida aos nenos).